Вядомыя праграмы зь мільёнамі карыстальнікаў Slack, Zoom, Wordle не працуюць. Amazon Web Services (AWS) — сэрвэрная плятформа, на якой знаходзяцца сотні самых папулярных у сеціве праграмаў, службаў і гульняў, і справаздачы на афіцыйнай старонцы стану сэрвісаў AWS пацьвярджаюць «рост ўзроўню памылак», які прывёў да збою ладнай часткі інтэрнэт-праграмаў.
Такія панэлі кіраваньня, як Downdetector, усё яшчэ паказваюць гэтую навіну, але аднаўленьне магчымае.
Тым ня менш колькасьць скаргаў паказвае, наколькі ўразьлівыя некаторыя з праграмаў — сусьветных фаварытаў, бо яны залежаць ад вэб-сэрвэраў Amazon.
Нават такія праграмы, як Snapchat, і вядомыя відэагульні накшталт Fortnite завісьлі, калі AWS займеў цяжкасьці. Вылецела і плятформа Palworld.
Гіганцкая плятформа сацыяльных сетак Reddit таксама выкарыстоўвае AWS, таму звычайныя пошукавыя запыты «чаму reddit не працуе» могуць выклікаць памылкі і падобныя «мёртвыя» старонкі.
Як піша Windowscentral.com, інжынэры Amazon «актыўна працуюць як над разьвязаньнем праблемы, так і дзеля зразуменьня яе першапрычыны», таму гэтыя прастоі, верагодна, скончацца за пару гадзін, прынамсі, як паказваюць ранейшыя выпадкі з памылкамі AWS.
«Мы бачым значныя прыкметы аднаўленьня. Большасьць запытаў цяпер павінны быць пасьпяховымі. Мы працягваем працаваць з чарадою запытаў. І будзем надалей даваць дадатковую інфармацыю», — апавясьціла карыстальнікаў панэль кіраваньня AWS.
Форум