Ужо сёньня: дні нараджэньня паэтак Натальлі Арсеньневай і Ніны Мацяш

Дзень у гісторыі

1910 — адбылося асьвячэньне касьцёлу Сьвятых Сымона і Алены (Чырвонага касьцёлу) на цяперашняй плошчы Незалежнасьці ў Менску. Пасьля пажару, які здарыўся ў ноч на 26 верасьня 2022 году, Чырвоны касьцёл зачынілі для правядзеньня рамонту. Для вернікаў яго дагэтуль не адчынілі.

1944 — савецкія ўлады скасавалі Беластоцкую вобласьць БССР. Беласток і 17 з 23-х раёнаў вобласьці перадалі Польшчы, плюс яшчэ тры раёны Берасьцейскай вобласьці. У межах польскай дзяржавы апынулася значная колькасьць беларускага насельніцтва.

1945 — у Менску адкрыўся Літаратурны музэй Янкі Купалы.

1950 — у Нью-Ёрку выйшаў першы нумар газэты „Беларус“.

2020 — „Маршы справядлівасьці“ па ўсёй Беларусі. У Менску больш за 100 тысяч, шмат затрыманых.

У гэты дзень нарадзіліся

1752 — Геранім Страйноўскі, біскуп віленскі, асьветнік, правазнавец, эканаміст, аўтар падручніка „Навука права натуральнага, палітычнага, палітычнай эканоміі і права народаў“.

1764 — Юзэф Коцел, палкоўнік войскаў ВКЛ, адзін з кіраўнікоў вызвольнага паўстаньня 1794.

1903 — Натальля Арсеньнева, паэтка. Сярод яе вершаў — «Магутны Божа», які лічыцца духоўным гімнам беларусаў.

1937 — Аляксей Каўка, гісторык і літаратуразнаўца, дзяяч беларускага руху.

1943 — Ніна Мацяш, беларуская пісьменьніца і перакладчыца. Аўтарка зборнікаў паэзіі, сярод якіх «Агонь» (1970), «Прыручэньне вясны» (1979), «Поўны келіх» (1982), «Жнівень» (1985), «Паварот на лета» (выбранае, 1986), «Шчасьлівай долю назаві» (1990), і казак «Два браты і сякера» (1975), «Казка пра суседзяў, зьмяю і мядзьведзя» (1982).

1959 — Яўген Паплаўскі, кампазытар.

У памяці

1993 — на ганку свайго дому ў Горадні стрэлам у сэрца забіты Дзьмітры Арцыменя, старшыня Гарадзенскага аблвыканкаму. Забойства так і не было раскрытае.

2022 — Алег Алкаеў, былы начальнік менскага СІЗА „Валадарка“, аўтар кнігі „Расстрэльная каманда“.