Ужо сёньня: гадавіна другіх прэзыдэнцкіх выбараў, 45 гадоў Віталю Стахіевічу, 20 гадоў ад сьмерці Ібрагіма Канапацкага

У гэты дзень

337 — Рымская імпэрыя падзеленая на 3 часткі паміж сынамі імпэратара Канстантына.

1609 — аддзелы Вялікага Княства Літоўскага на чале зь Львом Сапегам пачалі аблогу Смаленску.

1698 — войскі Рэчы Паспалітае на чале з каронным гетманам Феліксам Казімерам Патоцкім перамаглі татараў у бітве пад Падгайцамі ў часе вайны Рэчы Паспалітае з Асманскай імпэрыяй.

1791 — амэрыканцы пачалі пабудову сталіцы, назваўшы яе Вашынгтонам у гонар свайго першага прэзыдэнта Джорджа Вашынгтона.

1863 — у Воршы расейскія вайскоўцы расстралялі Ігната Будзіловіча, кіраўніка атраду вызвольнага паўстаньня.

1918 — у Менску адкрыліся беларускія настаўніцкія курсы, створаныя Сакратарыятам асьветы БНР

1942 — стварылі Беларускі штаб партызанскага руху. Спачатку ён месьціўся ў Расеі, а з 1944 году — у Беларусі.

1944 — 80 гадоў таму ў Любліне падпісанае „Пагадненьне памiж урадам Беларускай ССР i Польскім камiтэтам нацыянальнага вызваленьня аб эвакуацыі беларускага насельніцтва з тэрыторыі Польшчы i польскіх грамадзян з тэрыторыі БССР“. Да Польшчы адыходзіла населеная беларусамі Беласточчына і паміж дзьвюма краінамі праводзілася мяжа, якая мусіла стаць заходняй мяжой СССР. У выніку зь Беларусі ў Польшчу выехала больш за 27 тысяч чалавек, а з Польшчы ў БССР — 36 тысяч.

1951 — з амэраканскага самалёта дэсантаваўся Янка Філістовіч, удзельнік антысавецкага руху, з мэтай арганізацыі патрыятычных сіл для барацьбы з бальшавікамі.

2001 — у Беларусі адбыліся другія прэзыдэнцкія выбары. Пераможцам на іх абвясьцілі Аляксандра Лукашэнку. Апазыцыянэры Зянон Пазьняк і Міхаіл Чыгір ня трапілі ў бюлетэні, апанэнты Юры Захаранка і Віктар Ганчар прапалі ў 1999 годзе.

Адзіным кандыдатам ад апазыцыі стаў Уладзімер Ганчарык.

2020 — Чальцоў Каардынацыйнай рады Марыю Калесьнікаву і Максіма Знака ўзялі пад варту як падазраваных у справе аб «захопе ўлады».

У гэты дзень нарадзіліся

1585 — Арман Жан дзю Плясі дэ Рышэльё, францускі дзяржаўны дзяяч, кардынал.

1728 — Марцiн Пачобут-Адлянiцкi, астраном, асьветнік, рэктар Віленскай акадэміі, сябра-карэспандэнт Лёнданскай і Францускай акадэмій навук.

1769 — Іван Катлярэўскі, украінскі пісьменьнік, паэт і драматург, заснавальнік сучаснай украінскай літаратуры.

1894 — Аляксандар Крыніцкі, савецкі партыйны і дзяржаўны дзяяч, першы сакратар Камуністычнай партыі (бальшавікоў) Беларусі.

1918 — нарадзіўся Сяргей Адашкевіч, скульптар. Ягонымі творамі дэкараваныя фасады будынкаў Палацу прафсаюзаў, Галоўнага паштамту і Прывакзальнай плошчы ў Менску.

1980 — нарадзіўся Віталь Стахіевіч, піяніст.

У памяці

1973 — Iван Лушчыцкi, філёзаф

1976 — Мао Цзэдун, камуністычны дыктатар Кітаю.

2005 — Ібрагім Канапацкі, гісторык, грамадзкі дзеяч, удзельнік нацыянальна-дэмакратычнага руху 1980-х — пач. ХХІ ст., лідэр беларускіх татараў.