Ужо сёньня: 35 год таму беларуская мова стала адзінай дзяржаўнай

Дата дня

1990 — уступіў у сілу Закон аб мовах у Рэспубліцы Беларусь.

332 дэпутаты падтрымалі закон, 27 прагаласавалі “супраць” і 9 “устрымаліся”.

На беларускую мову пераводзілася камунікацыя ў дзяржаўных структурах, канцылярыі, судах. Беларуская станавілася мовай адукацыі, мэдыя і рэклямы. На беларускую мову пераводзіліся дзіцячыя садкі. У дакумэнце замацоўвалася беларуская мова ва ўнівэрсытэтах і каледжах.

Расейская мова заставалася мовай міжнацыянальных зносінаў.

Гэты дзень у гісторыі

1435 — у бітве пад Вількамірам літоўска-польскія войскі перамаглі армію Сьвідрыгайлы і нанятых ім крыжакоў.

1827 — у Расейскай імпэрыі забаронена прымаць сялянаў у вышэйшыя і сярэднія навучальныя ўстановы.

1870 — франка-пруская вайна: францускія войскі разьбітыя пад Сэданам, імпэратар Напалеон III узяты ў палон.

1906 — у Вільні выйшла пеpшая легальная белаpyская газэта «Hаша доля», у газэце ў гэты дзень вершам «Наш родны край» адбыўся літаратурны дэбют Якуба Коласа.

1939 — нападам нацысцкай Нямеччыны на Польшчу пачалася Другая сусьветная вайна.

1961 — у Бялградзе пачалася першая канфэрэнцыя Руху недалучэньня.

1969 — у Лібіі Муамар Кадафі зрынуў караля Ідрыза I.

1983 — савецкія вайскоўцы зьбілі паўднёвакарэйскі «Боінг», які перасек паветраную прастору СССР. Загінулі ўсе 269 пасажыраў.

1985 — знойдзены карабель «Тытанік», які патануў у 1912.

1995 — Берасьцейскі пэдагагічны інстытут ператвораны ва ўнівэрсытэт.

2004 — захоп закладнікаў у Бэслане (Расея).

2009 — спыніла трансьляцыі Беларуская служба «Радыё Швэцыя».

У гэты дзень нарадзіліся

1835 — Юзаф Каліноўскі, адзін з кіраўнікоў паўстаньня 1863-1864 на тэрыторыі Літвы і Беларусі.

1853 — Міхал Федароўскі, фальклярыст, этнограф, археоляг, калекцыянэр.

1900 — Сымон Баранавых, беларускі празаік.

1913 — Масей Сяднёў, беларускі празаік і паэт.

1928 — Расьціслаў Лапіцкі, адзін з кіраўнікоў паваеннага антысавецкага Супраціву 1940-х, ахвяра сталінскіх рэпрэсіяў.

1934 — Уладзіслаў Даркевіч, беларускі археоляг, гісторык.

1942 — Іван Басюк, беларускі гісторык.

У памяці

2000 — Яўген Шмыгалёў, інжынэр, адзін з аўтараў артыкула «Курапаты — дарога сьмерці».