Ужо сёньня: пачатак Сэсіі Незалежнасьці ў 1991-м

Гэты дзень у гісторыі

79 — першае зафіксаванае ў крыніцах вывяржэньне вулькану Вэзувій зьнішчыла гарады Пампэі і Геркулянум.

1654 — падчас вайны Расеі з Рэччу Паспалітай адбылася бітва пад Шапялевічамі, войска Рэчы Паспалітай пацярпела паразу.

1814 — ангельцы ўзялі Вашынгтон і спалілі Белы дом.

1949 — набыла сілу падпісаная ў красавіку дамова аб утварэньні Паўночнаатлянтычнага альянсу (NATO).

1979 — пачаў працаваць Сьвіслацкі гісторыка-краязнаўчы музэй.

1991 — Пачатак надзвычайнай сэсіі Вярхоўнага Савету БССР. Украіна абвясьціла незалежнасьць.

1991 — Міхаіл Гарбачоў сыходзіць з пасады генэральнага сакратару КПСС.

2020 —У Жабінцы пахавалі Генадзя Шутава, якому стрэлілі ў галаву падчас акцыі пратэсту ў Берасьці.

У гэты дзень нарадзіліся

1847 — Аўгустын Пацэвіч, вядомы лекар, філянтроп.

1879 — Іван Пуліхаў, беларускі рэвалюцыянэр.

1899 — Хорхэ Люіс Борхэс, аргентынскі пісьменьнік.

1906 — Юльян Саковіч, беларускі грамадзка-палітычны дзяяч.

1928 — Янка Раманоўскі, мастак, пляменьнік Янкі Купалы.

1946 — Ядвіга Грыгаровіч, беларуская навукоўка ў галіне пэдагогікі; у 1992–2007 рэктарка Беларускага інстытуту культуры (цяпер — Унівэрсытэт культуры і мастацтваў).

У памяці

1915 — Іван Здановіч, лекар, грамадзкі дзяяч, дабрачынец, заснавальнік вучэльні для сьляпых у Менску і санаторыя «Ждановічы».

1966 — Тадэвуш Бур-Камароўскі, камандуючы польскай Арміі Краёвай у гады Другой усясьветнай вайны.

1990 — Сяргей Даўлатаў, расейскі пісьменьнік.

1999 — Уладзімер Кісель, удзельнік паваеннага нацыянальнага падпольля, аўтар успамінаў.

1999 — Аляксей Гардзіцкі, літаратуразнавец.

2015 — Ала Канапелька, паэтка.