Лінкі ўнівэрсальнага доступу

Вынікі ЦТ: выпускнікі сталі ведаць беларускую мову лепш, а расейскую горш


Выпускнікі школаў ідуць на цэнтралізаваны экзамэн. Архіўнае фота
Выпускнікі школаў ідуць на цэнтралізаваны экзамэн. Архіўнае фота

У Міністэрстве адукацыі Беларусі паведамілі вынікі цэнтралізаванага экзамэну (ЦЭ) у беларускай і расейскай мовах, які здавалі сёлетнія выпускнікі школ.

Як адзначаецца ў Telegram-канале міністэрства, у іспытах у расейскай мове ўзялі ўдзел 46 тысяч выпускнікоў, а ў беларускай — 10,7 тысячы.

«Максымальна магчымы вынік 100 балаў пашанцавала атрымаць 979 вучням, у тым ліку 715 — у расейскай мове, 254 — у беларускай мове. Адзін выпускнік ня даў рады экзамэнацыйнай працы, атрымаў нуль балаў. Сярэдняя тэставая адзнака ў расейскай мове склала 62,6 бала, у беларускай мове — 65,6 бала (63,3 і 61,7 адпаведна ў 2024 годзе», — адзначаецца ў афіцыйным паведамленьні.

Выпускнікі, якія з паважных прычын не змаглі ўдзельнічаць у цэнтралізаваным экзамэне ў асноўныя тэрміны, змогуць здаць яго ў рэзэрвовыя дні — 21 і 23 чэрвеня.

Сёлета ў цэнтралізаваным экзамэне ўдзельнічаюць больш за 56 тысяч выпускнікоў 11-х клясаў. ЦЭ складаецца з двух іспытаў у тэставай форме: з прадмету на выбар, а таксама зь беларускай або расейскай мовы. Апошні ЦЭ ў мовах праходзіў 29 траўня.

Найбольш запатрабаванымі прадметамі сталі расейская мова — яе выбралі больш за 46 тысяч чалавек, матэматыку выбралі амаль 19 тысяч абітурыентаў, на беларускую мову запісаліся больш за 10 тысяч чалавек.

Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.
Ігар Лосік Кацярына Андрэева Ірына Слаўнікава Марына Золатава
XS
SM
MD
LG