У гэты пэрыяд, вядомы як «novemdiales», у базыліцы Сьвятога Пятра штодзень будуць праходзіць малітоўныя службы. Жалоба завершыцца 4 траўня.
Папа Францішак, ураджэнец Аргентыны, памёр у панядзелак ва ўзросьце 88 гадоў. Труна зь целам Францішка ў сераду была ўстаноўленая ў саборы Сьвятога Пятра ў Ватыкане. Жалобнае шэсьце пад гукі званоў з удзелам кардыналаў, архібіскупаў, біскупаў і іншых ярархаў Каталіцкай царквы заняло каля сарака хвілін. Публічнае разьвітаньне з Францішкам працягнецца тры дні.
Паведамленьне Ватыкану аб дзевяцідзённай жалобе прагучала ў часе сустрэчы кардыналаў, якія абмяркоўваюць далейшыя крокі пасьля сьмерці пантыфіка. Такі абмен думкамі патрэбны, бо сярод 135 кардыналаў з 71 краіны ня ўсе ведаюць адзін аднаго, у тым ліку з гледзішча іхных пазыцыяў у царкоўнай палітыцы.
У Рыме разьвітваюцца з папам Францішкам. ФОТА
Дата правядзеньня канкляву, на якім кардыналы абяруць новага папу Рымскага, пакуль не названая. Аднак ён павінен пачацца ў пэрыяд ад 15 да 20 дзён пасьля сьмерці пантыфіка. Згодна з правіламі Каталіцкай царквы, кандыдат павінен быць не старэйшым за 80 гадоў.
Форум