Як паведамляецца на сайце Рэспубліканскага інстытуту кантролю ведаў (РІКВ), зарэгістравацца на здачу ЦТ можна з 9 да 22 красавіка.
Зрабіць гэта можна двума спосабамі:
- запоўніць электронную форму на сайце РІКВ;
- прыйсьці асабіста ў адзін з пунктаў рэгістрацыі.
У апошнім выпадку трэба мець пры сабе дакумэнт (або яго копію), які сьведчыць асобу.
Пералік пунктаў рэгістрацыі, іх адрасы і графік працы пададзеныя на сайце РІКВ.
Плата за прыём і афармленьне дакумэнтаў складае 0,1 базавай велічыні (чатыры рублі) за адзін навучальны прадмет, аплаціць узнос трэба праз сыстэму «Разьлік» (АРІП). Шэраг абітурыентаў маюць ільготы — зь іх грошай ня возьмуць, аднак трэба падаць пацьвярджальны дакумэнт.
Не пазьней за 22 красавіка і пасьля ўнясеньня платы абітурыент павінен асабіста забраць у пункце рэгістрацыі пропуск на ЦТ, маючы пры сабе дакумэнт. Пасьля гэтага працэс рэгістрацыі будзе лічыцца завершаным.
Раней Міністэрства адукацыі Беларусі зацьвердзіла графік, паводле якога абітурыенты будуць здаваць цэнтралізаванае тэставаньне ў 2025 годзе. Пра гэта паведамляе Нацыянальны праўны партал.
Тэсты пройдуць з 26 траўня па 5 чэрвеня. Даты, калі абітурыентам трэба будзе здаваць ЦТ:
- беларуская і расейская мовы — 29 траўня;
- гісторыя Беларусі, грамадазнаўства, хімія і фізыка — 26 траўня або 5 чэрвеня;
- матэматыка, біялёгія, усясьветная гісторыя, геаграфія, гісторыя Беларусі ў кантэксьце ўсясьветнай гісторыі, а таксама замежная мова — 26 траўня або 2 чэрвеня.
Ведамства таксама вызначыла рэзэрвовыя дні для ЦТ, калі абітурыент прапусьціў тэставаньне з паважнай прычыны:
- 19 чэрвеня тэст з усіх прадметах;
- 23 чэрвеня — другая дата для здачы іспыту з беларускай і расейскай моваў,
- 21 чэрвеня — з астатніх прадметаў, якія ўваходзяць у сьпіс для ЦТ.
ЦТ будзе пачынацца аб 11-й гадзіне.
Сэртыфікаты ЦТ пачнуць выдаваць з 1 ліпеня.
Форум