Першы сёлетні вясновы месяц нароўні з сакавіком 2007-га заняў першае месца ў ярархіі фіксацыяў ад самага цёплага да самага халоднага, пачынаючы з 1945 году, паведамілі ў Белгідрамеце.
Сярэдняя ў Беларусі тэмпэратура паветра ў сакавіку склала +5,2°С, што было вышэй за кліматычную норму на 4,4°С. Анамалія распаўсюдзілася па ўсёй тэрыторыі краіны і знаходзілася ў асноўным у межах ад 4° да 4,8°С.
Найбольшая станоўчая анамалія (6,7 градуса) адзначалася ў першай дэкадзе сакавіка — такое надвор’е звычайна бывае ў першай дэкадзе красавіка, адзначылі ў Белгідрамеце.
Больш чым у палове дзён сакавіка тэмпэратура паветра перавышала 10 градусаў, у асобныя дні яно прагравалася да 15 градусаў і вышэй.
Максымальнага значэньня (+20,4°) тэмпэратура дасягнула днём 10 сакавіка ў Дарагічыне. За ўсю гісторыю мэтэаназіраньняў у першай дэкадзе сакавіка тэмпэратура паветра ніколі не падымалася да такіх высокіх значэньняў, падкрэсьлілі ў Белгідрамеце.
Разам з тым начныя тэмпэратуры пераважна былі мінусавымі, у межах ад 1 да 8 градусаў марозу. Мінімальную тэмпэратуру ў сакавіку зафіксавалі на станцыі «Палеская» ў Лунінецкім раёне (–12 градусаў 16 сакавіка).
У Віцебску (5 сакавіка) і ў Жыткавічах (12 сакавіка) прайшлі навальніцы з градам. «Град у сакавіку выключна рэдкая зьява, а ў Віцебску і Жыткавічах ён рэгіструецца ўпершыню», — адзначаюць сыноптыкі.
- Пасьля цёплага пачатку красавіка ў Беларусь вярнулася зімовае надвор’е зь сьнегападамі і мяцеліцай.
- На 7 красавіка сыноптыкі абʼявілі аранжавы ўзровень небясьпекі.
- 6 красавіка складаныя ўмовы надворʼя ў Беларусі сталі прычынай зьнікненьня сьвятла ў больш як 650 паселішчах. Найбольш пацярпелі Менская і Магілёўская вобласьці.
Форум