Як адзначаецца ў паведамленьні на Нацыянальным прававым інтэрнэт-партале Беларусі, уступныя іспыты ў вышэйшыя навучальныя ўстановы пачнуцца 18 ліпеня.
Ва Ўнівэрсытэце цывільнай абароны МНС іспыты правядуць 18-20 ліпеня, на вайсковым факультэце Горадзенскага дзяржаўнага ўнівэрсытэту імя Янкі Купалы — 20-21 ліпеня, у іншых ВНУ — 18-25 ліпеня.
З 20 па 25 ліпеня адбудуцца ўступныя іспыты на сельскагаспадарчыя спэцыяльнасьці для навучаньня на дзённай форме, а з 6 па 15 сьнежня — на завочнай форме навучаньня.
Залічэньне на бюджэтнае навучаньне будзе ажыцьцяўляцца ў некалькіх этапаў:
- 2 ліпеня — пераможцы ўнівэрсытэцкіх алімпіяд;
- да 22 ліпеня — у Вайсковую акадэмію, Інстытут памежнай службы, Унівэрсытэт цывільнай абароны і на вайсковых факультэтах ВНУ;
- да 29 ліпеня — у Акадэмію МУС, Магілёўскі інстытут МУС;
- да 27 ліпеня — у іншыя ВНУ (за выключэньнем завочнага навучаньня ва ўстановах сельскагаспадарчага профілю);
- да 20 сьнежня — на завочнае навучаньне ў ВНУ сельскагаспадарчага профілю.
Залічэньне на платнае навучаньне будзе ажыцьцяўляцца:
- да 3 жніўня — во ўсе ВНУ, апроч завочнага навучаньня па сельскагаспадарчых спэцыяльнасьцях;
- да 20 сьнежня — на завочнае навучаньне ў сельскагаспадарчых ВНУ.
Як адзначаецца ў паведамленьні, Міністэрства адукацыі таксама вызначыла тэрміны ўступнай кампаніі для замежных грамадзян і асобаў без грамадзянства, а таксама для грамадзян Украіны і асобаў без грамадзянства, якія пражывалі на тэрыторыі Ўкраіны і прыбылі ў Беларусь для атрыманьня дазволаў на часовае або сталае пражываньне. Наколькі тэрміны для такіх асоб адрозьніваюцца ад тых, што прадугледжаныя для грамадзян Беларусі, не ўдакладняецца. Гэта стане вядома пасьля афіцыйнай публікацыі адпаведнай пастановы Міністэрства адукацыі Беларусі.
Форум