Пра гэта паведамляе DW.
Сярод іншых на іх прысутнічалі дзяржсакратар Злучаных Штатаў Марка Рубіё, спэцыяльны прадстаўнік адміністрацыі Дональда Трампа па Расеі і Украіне Кіт Кэлаг і кіраўнік офісу прэзыдэнта Ўкраіны Андрэй Ярмак.
«Галоўная мэта, як падкрэсьліў прэзыдэнт Трамп — мы хочам, каб вайна падышла да канца. Мы хочам, каб спыніліся забойствы. Але мы хочам дасягнуць трывалага і даўгавечнага міру, а не такога міру, які прывядзе да канфлікту ва Ўсходняй Эўропе ўсяго праз пару гадоў», — заявіў пасьля размовы з Зяленскім Вэнс.
Прэзыдэнт Украіны са свайго боку ў чарговы раз падзякаваў ЗША і Дональду Трампу за падтрымку яго краіны. «Мы павінныя больш размаўляць, больш працаваць і падрыхтаваць плян, як спыніць Пуціна і спыніць вайну. Мы сапраўды хочам міру вельмі моцна. Але нам патрэбныя сапраўдныя гарантыі бясьпекі, і мы працягнем нашыя сустрэчы і нашу працу», — сказаў ён.
Ярмак заклікаў Кэлага ня даць сябе падмануць
Раней у той жа дзень Андрэй Ярмак сустрэўся з Кітам Кэлагам на палях Мюнхэнскай канфэрэнцыі ў бясьпецы. Галоўнай тэмай сустрэчы была названая «каардынацыя працы для дасягненьня працяглага міру».
Падчас гутаркі Ярмак заявіў Кэлагу, што «Пуцін ніколі не гуляе па правілах» і заклікаў яго «не даць сябе падмануць». «Расейцы заўсёды кпілі з Захаду, але заўсёды яго капіравалі. Іх цяперашні „паварот на Усход“ — не глыбокая культурная зьмена, а тактычны ход для дасягненьня сваіх мэтаў. Расейцы паважаюць толькі сілу і пагарджаюць тымі, хто яе не ўжывае. Расея спыняецца не тады, калі абяцае, а калі вымушана гэта зрабіць», -.сказаў Ярмак.
Зяленскі: Украіна гатовая да «рэальных перамоваў»
Прэзыдэнт Украіны Ўладзімір Зяленскі чакае «вельмі складаных» мірных перамоваў з Расеяй, аднак гатовы да «рэальных перамоваў» у любы час, заявіў ён падчас сёньняшняй сустрэчы з журналістамі.
Пры гэтым украінскі прэзыдэнт правёў «чырвоную лінію», якая не падлягае абмеркаваньню на мірных перамовах, піша агенцтва dpa. «Юрыдычна мы ніколі не прызнаем акупаваныя тэрыторыі расейскімі. Яны замацаваныя ў Канстытуцыі, і толькі ўкраінскі народ можа прыняць рашэньне аб зьмене межаў», — заявіў Зяленскі.
Форум