Айца Анджэя Юхневіча першапачаткова затрымлівалі па «палітычных» адміністрацыйных артыкулах і трымалі больш за 55 сутак у ізалятары. Яго некалькі разоў запар судзілі і падаўжалі арышт, нагадвае katolik.life.
Затым супраць святара распачалі крымінальную справу па артыкулах, якія тычацца палавых стасункаў з непаўнагадовымі, і па якіх прадугледжана ад 5 да 13 гадоў пазбаўленьня волі.
Раней вернікі казалі, што сьвятару пагражалі празь яго прынцыповую пазыцыю падобнай справай.
Пра цяперашні стан святара вядома мала — лісты ад яго вернікам перасталі прапускаць. Тыя, хто блізка знаёмыя з айцом Анджэем, запэўніваюць, што ён ня мог зьдзейсьніць тых злачынстваў, якія яму інкрымінавалі, і лічаць, што справа сфабрыкаваная.
Мясцовыя вернікі таксама кажуць пра сьвятара толькі пазіытыўна, ня вераць у абвінавачаньне і гавораць, што паводзіны айца Анджэя ніколі не паказвалі на тое, што ён схільны да падобных злачынстваў.
Віцебская Курыя пакуль нічога не паведамляла адносна справы. Працэс будзе закрытым.
Форум