Журналістку, якую праваабаронцы прызналі палітычнай зьняволенай, абвінавацілі паводле чатырох крымінальных артыкулаў дыфамацыйнага характару.
Вольгу Радзівонаву абвінавацілі паводле:
- чч. 1 і 2 арт. 367 КК («Паклёп у дачыненьні прэзыдэнта Рэспублікі Беларусь»),
- арт. 369–1 КК («Дыскрэдытацыя Рэспублікі Беларусь»),
- ч. 1 арт. 130 КК («Распальваньне расавай, нацыянальнай, рэлігійнай альбо іншай сацыяльнай варожасьці або звады»),
- ч. 1 арт. 368 КК («Абраза прэзыдэнта Рэспублікі Беларусь»).
Працэс у справе журналісткі распачаўся ў Менскім гарадзкім судзе 16 лістапада. Наступнае слуханьне прайшло 27 лістапада. А раніцай 10 сьнежня судзьдзя Вера Галаўкова агучыла абвінаваўчы вердыкт.
Вольгу Радзівонаву затрымалі 7 сакавіка 2024 году. Вядома, што падчас утрыманьня ў СІЗА № 1 яе накіроўвалі на псыхіятрычную экспэртызу ў лякарню ў Навінках.
Хворая маці Вольгі Радзівонавай, якой больш за 80 гадоў, мае патрэбу ў пастаянным доглядзе.
Вольга Радзівонава працавала да 2020 году ў Kyky.org, пераважна для рубрыкі «Боль», таксама супрацоўнічала ў якасьці фрылянсэркі зь беларускімі і замежнымі мэдыя.
Форум