Пра гэта інфармуе BBC.
Міністэрства аховы здароўя паведамляе, што большасьць памерлых — ва ўзросьце ад 15 да 18 гадоў.
Больш за 300 чалавек былі інфікаваныя, у пацыентаў назіраліся такія сымптомы, як ліхаманка, галаўныя болі, насмарк і кашаль, абцяжаранае дыханьне і анэмія.
У правінцыю Кванга, у зону аховы здароўя Панзі, дзе хвароба найбольш распаўсюджаная, былі накіраваныя групы рэагаваньня для правядзеньня проціэпідэмічных захадаў і расьсьледаваньня прыроды захворваньня.
Прадстаўнік Сусьветнай арганізацыі аховы здароўя (САЗ) у рэгіёне Афрыкі паведаміў BBC, што арганізацыя «адправіла групу ў аддалены раён для збору ўзораў для лябараторных дасьледаваньняў».
Улады заклікалі насельніцтва захоўваць спакой і пільнасьць, мыць рукі з мылам, пазьбягаць масавых сходаў і не дакранацца да целаў памерлых без кваліфікаванага мэдычнага пэрсаналу.
Раней гэтая цэнтральнаафрыканская краіна сутыкнулася з сур’ёзнай успышкай воспы малпаў (mpox). Са студзеня па ліпень сёлета было зарэгістравана каля 14 500 выпадкаў заражэньня.
Таксама ў Дэмакратычнай Рэспубліцы Конга на працягу многіх гадоў здараюцца ўспышкі ліхаманкі Эбола.
Форум