У інтэрвію Свабодзе ён расказаў, чаму больш не камандзір ПКК, ці ёсьць канфлікт у палку і чым будзе займацца новы грамадзкі рух.
Свой сыход з пасады камандзіра палку ён назваў узважаным рашэньнем і мерай, зьвязанай з рэформамі ўнутры ПКК. Ён выказаў падтрымку новаму камандзіру Паўлу «Дзядзьку» Шурмею і запэўніў, што і сам застаецца ў шыхтах палку.
Цалкам размову глядзіце ў відэафармаце на Youtube.
«Беларусаў пасьля 2020 году ёсьць нямала па розных кутках сьвету. І мы б хацелі, каб гэтыя беларусы адчувалі сваю датычнасьць і актыўнасьць, акумулявалі свае сілы ў адным кірунку. Мы хочам перамагчы ворага і вызваліць Беларусь. Дзеля гэтага патрэбны мэнэджмэнт, каб нашыя сілы ішлі ў адзін кірунак. Ідэя руху — каб аб’яднаць нашыя сілы ў адзін вэктар. Гэта тыя, хто нам дапамагае, хто данаціць. У народзе ўжо ёсьць выраз «каліноўцы». У нашага руху ёсьць тры аспэкты: грамадзкі, палітычны і ваенізаваны», — кажа Прохараў.
Задачы руху:
- арганізацыя «праектаў тэхнічнага аснашчэньня ПКК сучаснымі відамі ўзбраеньняў»,
- «стварэньне ўмоваў і каардынацыя даваеннай падрыхтоўкі беларусаў, якія зьяўляюцца патэнцыйным мабілізацыйным рэсурсам палку»,
- арганізацыя рэабілітацыі вэтэранаў і дзейных байцоў у краінах Эўропы,
- каардынацыя працы прадстаўнікоў руху ў інстытуцыйных палітычных арганізацыях беларускіх дэмакратычных сілаў (Каардынацыйнай радзе, Аб’яднаным пераходным кабінэце, офісе Сьвятланы Ціханоўскай).
«ПіК Свабоды»
«ПіК Свабоды» — гэты YouTube-праграма і падкаст пра самыя важныя падзеі для Беларусі і беларусаў.
Чатыры разы на тыдзень — з панядзелка па чацьвер — дасьведчаныя журналісты і рэдактары Свабоды выбіраюць для вас галоўныя навіны дня і тлумачаць, што яны значаць.
Па пятніцах мы рыхтуем тыднёвы аналітычны выпуск, у якім разам з вартымі даверу экспэртамі разьбіраем працэсы і тэндэнцыі ў палітыцы, эканоміцы, грамадзтве і культуры.
Як глядзець на YouTube
Падпішыцеся на наш YouTube-канал «Свабода. Падзеі і камэнтары» (@svaboda-news).
Новы выпуск дасяжны на канале штодня а 1830 менскага часу.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
• Наш сайт
• Apple Podcasts
• Spotify
• Soundcloud
• Podcast Republic
Чароўная спасылка — клікнуўшы на яе, вы аўтаматычна трапіце на адну з папулярных плятформаў.
Форум