Раней за гэта ўжо галасавала верхняя палата парлямэнту — Сэнат. Такім чынам, Францыя стане першай краінай у сьвеце, дзе права на аборт будзе гарантаванае Асноўным законам.
Прэм’ер-міністар Францыі Габрыель Аталь пракамэнтаваў рашэньне парлямэнту: «Мы кажам усім жанчынам: ваша цела належыць толькі вам, і ніхто ня мае права вырашаць за вас».
Супраць унясеньня права жанчын на аборт у Канстытуцыю выступалі правыя і рэлігійныя рухі. Яны заяўлялі, што ў такім кроку няма неабходнасьці, бо магчымасьць правядзеньня абортаў па жаданьні жанчыны і так гарантаваная францускім законам. Аднак іх апанэнты сьцьвярджалі, што ўнясеньне права на аборт у Канстытуцыю павінна ўскладніць патэнцыйныя спробы абмежаваць гэтае права ў будучыні.
Ініцыятыва ўнесьці ў Канстытуцыю «гарантаваную свабоду» на аборты ішла ад прэзыдэнта Эманюэля Макрона. Менавіта такі варыянт у Элісейскім палацы называлі пажаданым з улікам таго, што адміністрацыя францускага прэзыдэнта хацела пазьбегнуць усенароднага рэфэрэндуму на гэтую тэму.
Апэрацыі перапыненьня цяжарнасьці на жаданьне жанчыны легальныя ў Францыі з 1974 году.
