Ужо сёньня: Гадавіна перамогі рэвалюцыі ў Румыніі

Гэты дзень у гісторыі

1216 — Папа Ганорый III зацьвердзіў ордэн дамініканцаў.

1264 — падпісаная мірная і гандлёвая дамова Полацку з Рыгай і Інфлянцкім ордэнам.

1917 — у Менску ўтварыўся Выканаўчы камітэт Першага Ўсебеларускага зьезду.

1932 — афіцыйная рэгістрацыя Таварыства беларускай асьветы, створанага ў Вільні.

1945 — у Менску адкрыўся Беларускі тэатральны інстытут (з 1993 году — Беларуская акадэмія мастацтваў).

1989 — у Румыніі перамагла народная рэвалюцыя, скіраваная супраць рэжыму Нікалае Чаўшэску. Сам ён быў неўзабаве расстраляны разам з жонкай.

ГЛЯДЗІЦЕ ТАКСАМА:

Румынскі палітоляг пра Чаўшэску, Лукашэнку і дзьве галоўныя парады беларусам

1990 — Лех Валэнса заступіў на пасаду прэзыдэнта Польшчы.

2020 — арцыбіскупу Тадэвушу Кандрусевічу дазволілі вярнуцца ў Беларусь.

ГЛЯДЗІЦЕ ТАКСАМА:

Арцыбіскуп Кандрусевіч пра вяртаньне ў Беларусь: «Пацалаваў зямлю. Гэта мая зямля!» ВІДЭА

У гэты дзень нарадзіліся

1639 — Жан Расін, францускі драматург, адзін зь «Вялікай тройкі» драматургаў Францыі XVII стагодзьдзя, поруч з Карнэлем і Мальерам.

1735 — Ян Мікалай Аскерка, дзяржаўны дзяяч ВКЛ, кіраўнік паўстаньня 1794 году на Палесься, памёр у ссылцы.

1858 — Джакама Пучыні, італьянскі кампазытар.

1888 — Леан Радзівіл, апошні ўладальнік Нясьвіскага замку.

1922 — Алена Васілевіч, беларуская пісьменьніца.

1928 — Марат Батвіньнік, гісторык кнігі.

У памяці

1937 — Янка Вярсоцкі, каталіцкі сьвятар і грамадзкі дзеяч (расстраляны).

1937 — Раман Семашкевіч, жывапісец, графік і скульптар, ахвяра сталінізму (расстраляны).

1989 — Сэмюэл Бэкет, ірляндзкі пісьменьнік, паэт і драматург, ляўрэат Нобэлеўскай прэміі ў літаратуры (1969).

2001 — Уладзіслаў Чарняўскі, сьвятар і перакладчык.