Менскі гарадзкі цэнтар гігіены і эпідэміялёгіі таксама інфармуе пра скасаваньне часовых рэкамэндацый па прафіляктыцы заносу і распаўсюду COVID-19 пры арганізацыі працы аздараўленчых і санаторна-курортных арганізацый; прафіляктыцы інфэкцыі ў арганізацыях утрыманьня і абслугоўваньня жывёл; падчас дзейнасьці рэлігійных арганізацый.
Працягнуць дзейнічаць патрабаваньні Санітарных нормаў і правілаў «Патрабаваньні да арганізацыі і правядзеньня санітарна-проціэпідэмічных мерапрыемстваў, накіраваных на прадухіленьне заносу, узьнікненьня і распаўсюду грыпу і інфэкцыі COVID-19», зацьверджаныя рэдакцыяй пастановы Міністэрства аховы здароўя ў траўні 2022 году.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
