На тэрыторыі раёну ў адным з кварталаў Ласіцкага лясьніцтва навукоўцы выявілі месца пасяленьня дзікай жывёлы — чорнага бусла. Гэтая птушка ўключаная ў Чырвоную кнігу Беларусі з 1981 году.
Згодна з законам арэал пражываньня чорнага бусла ўзяты пад ахову. У прыватнасьці, забараняецца тут сячы дрэвы, пасьвіць жывёлу, весьці мэліярацыйныя работы, шукаць і распрацоўваць радовішчы карысных выкапняў.
Чорны бусел вельмі асьцярожны. Гэтыя птушкі выбіраюць для гнездаваньня цяжкадаступныя месцы. На тэрыторыі Берасьцейскай вобласьці жыве каля 344 пар чорнага бусла.
