У хуткім часам будзе складзены каштарыс на знос і праведзеныя працэдуры дзяржзакупак па выбары падрадчыка, які будзе выконваць работы ў зносе. Плянуецца, што знос Дома Масквы завершыцца да канца 2023 году, — цытуе выданьне Delfi паведамленьне Будаўнічай інспэкцыі.
У Будаўнічай інспэкцыі паведамілі, што закон не прадугледжвае магчымасьці экспрапрыяцыі незаконна пабудаваных памяшканьняў, таму адзіным выйсьцем зьяўляецца іхны знос.
У сьнежні 2016 году Ўчастковы суд Вільні прызнаў несапраўдным дакумэнт аб дазволе на будаўніцтва Дома Масквы. Дазвол выдала Віленскае самакіраваньне ў 2008 годзе.
Ідэя стварэньня Дома Масквы ў Вільні разьвівалася з 2004 году, пасьля візыту тагачаснага мэра Масквы Юрыя Лужкова ў Вільню падчас сьвяткаваньня 750-годзьдзя каранацыі караля Міндоўга.
У Вільні дэмантавалі мэмарыял савецкім салдатам
У Вільні дэмантавалі скульптуру савецкім салдатам. Яна была ўсталяваная ў 1984 годзе на Антокальскіх могілках побач з пахаваньнямі савецкіх вайскоўцаў і дзеячоў Літоўскай ССР.
Адбыўся толькі дэмантаж скульптуры, магілы не чапалі. Пасьля пачатку вайны ва Ўкраіне Міністар культуры Літвы падпісаў указ, які дазваляе самакіраваньням прымаць рашэньні аб зносе помнікаў савецкай спадчыны. Гарадзкія ўлады разглядаюць магчымасьць перадачы савецкай скульптуры нацыянальнаму музэю Літвы.
