«Выбачаемся перад тымі, хто хацеў прыйсьці, але адначасова адчуваем гонар, быць у сьпісах [забароненых артыстаў] — гэта крута!» — гаворыцца ў паведамленьні.
Мэнэджарка гурту Агата Мірзаева распавяла выданьню «Медыазона», што ў «Известия Hall», дзе павінен быў прайсьці канцэрт, пачалі паступаць званкі з пагрозамі закрыць клюб.
«Ім сталі тэлефанаваць і казаць пра сьпісы артыстаў і забарону правядзеньня канцэрту пад пагрозай закрыцьця клюбу», — распавяла Мірзаева.
7 ліпеня выданьне «Фонтанка» апублікавала сьпіс з 30 расейскіх музыкаў, чые выступленьні забаронены ў Расеі за антываенную пазыцыю. Сярод іх гурты ДДТ, «Каста», «Бі-2», «Ногу свело», сьпявачкі Земфіра, Манетачка, рэпэры Oxxxymiron, Face і іншыя выканаўцы.
