Адзін з прыблізна 400 адрасатаў ліста падзяліўся атрыманым дакумэнтам з тэлеграм-каналам «Ротонда».
Вядома, што сярод адрасатаў як буйныя гатэлі, так і невялікія гостэлі.
Такі ж ліст атрымала крыніца журналіста «Эхо Москвы» Арсенія Весьніна сярод гатэльераў.
«Настоящее Время» пераканалася, што ў Весьніна і «Ротонды» розныя крыніцы, а таксама праверыла мэта-зьвесткі (схаваныя характарыстыкі) урадавага ліста. Зь іх вынікае, што ліст напісалі 2 сакавіка 2022 г. ва ўстанове Smolny (у Смольным палацы знаходзіцца ўрад Санкт-Пецярбургу).
«Настоящее Время» паспрабавала дазваніцца ў гарадзкі камітэт у справах турызму, але там не адказалі.
На пытаньне «Ротонды», навошта ўладам гэтыя зьвесткі, кіраўнік пецярбурскага камітэту ў справах турызму Сяргей Карнееў не адказаў. Пачуўшы пытаньне, ён спыніў размову, паведамляе тэлеграм-канал.
Паводле перапісу 2010 году, 64 тысячы жыхароў Пецярбургу вызначалі сябе як украінцы.
