Паведамляецца, што больш за 200 тысячаў чалавек далучыліся да пляну «Перамога», 785 тысячаў беларусаў выступілі ў падтрымку перамоваў і прагаласавалі на плятформе «Голас», 18,7 тысячаў чалавек запісаліся ў «Рабочы Рух».
59 краінаў не прызналі Лукашэнку прэзыдэнтам, 41 краіна ўвяла абмежаваньні супраць рэжыму.
Пры гэтым паведамляецца, што 3 млрд эўра вылучана на Эканамічны плян дапамогі ЭЗ для дэмакратычнай Беларусі з патэнцыялам мабілізацыі да 10 млрд эўра агульнай дапамогі пасьля пераменаў.
У асабістым актыве Сьвятланы Ціханоўскай — 360 сустрэчаў з палітыкамі на высокім і найвышэйшым узроўні, 130 міжнародных выступаў і 559 інтэрвію беларускім і замежным СМІ пра сытуацыю ў Беларусі.
Больш за 12 000 лістоў і паштовак даслалі валянтэры Офісу Ціханоўскай палітычным вязьням у Беларусі.
У справаздачы таксама пералічаныя канцэпцыі і праграмы, распрацаваныя Офісам.
