Ці праўду сказаў Лукашэнка, заяўляючы, што з «жанчынамі не ваюе»?

Насамрэч

Няпраўда.

Вельмі шмат жанчын з пачатку леташняй выбарчай кампаніі зазналі перасьлед за свае палітычныя погляды і ўдзел у пратэстах — гвалт, згвалтаваньні, пазбаўленьне волі, затрыманьні, штрафы, звальненьні з працы, прымусовая дэпартацыя.

Маштабы гэтага перасьледу дэманструе колькасьць жанчын-палітвязьняў і іх доля сярод усіх палітвязьняў.

З 606 асобаў, якіх на сёньняшні дзень праваабарончая супольнасьць прызнала ў Беларусі палітычнымі зьняволенымі, 73 — жанчыны (12%).