Ці праўда, што ў 2020 годзе беларускі і беларусы рэкордна рэдка бралі шлюб?

Насамрэч

Чыстая праўда.

У 2020 годзе шлюбнасьць у Беларусі была рэкордна нізкай з 2000 году і ў абсалютных і ў адносных лічбах. Летась на тысячу чалавек насельніцтва прыпадала 5.4 шлюбы.

За апошнія 20 гадоў паказьнік шлюбнасьці на 1000 чалавек ніколі ня быў ніжэй за 6.2, самым высокім за гэтыя гады ён быў у 2007 годзе — 9.5 (90444 шлюбаў у год).

Пры гэтым леташнія паказьнікі разводаў — ня самыя высокія за 20 гадоў. У 2020 годзе былі разарваныя 35144 шлюбы (3.7 на тысячу чалавек насельніцтва).

Самы высокі паказьнік разводаў прыпаў на 2000 год — 43152 (4.4 на тысячу чалавек насельніцтва).