Насамрэч
Чыстая праўда.
Паводле штогадовых справаздачаў мініфіну ў 2011-2019 годзе кансалідаваны бюджэт выконваўся з прафіцытам, гэта значыць, зь перавышэньнем даходаў над выдаткамі.
Але ў 2020 годзе кансалідаваны бюджэт быў выкананы ўжо з перавышэньнем выдаткаў над прыбыткамі, дэфіцыт склаў 2.6 мільярды рублёў.
Дэфіцыт бюджэту на 2021 год быў заплянаваны ў памеры 4 мільярдаў рублёў. Але ўжо па выніках працы эканомікі напачатку бягучага году прагнозы давялося скарэктаваць і прагнозная лічба дэфіцыту склала 5.6 мільярды рублёў, амаль удвая больш, чым летась.
Дэфіцыт бюджэту вымушае дзяржаву дзеля яго пакрыцьця альбо павялічваць грашовую эмісію альбо запазычваць грошы на ўнутраным рынку. Другое павялічвае ўнутраны доўг і выдаткі на яго абслугоўваньне, першае павялічвае грашовую масу і можа прывесьці да павялічэньня інфляцыі і падзеньне курсу нацыянальнай валюты.
Падзяліцеся ў сацыяльных сетках са сваімі сябрамі