Мікіту Броўку і Ксенію Міклашэўскую асудзілі за дробнае хуліганства і непадпарадкаваньне — агулам на 20 дзён арышту. Пра гэта паведаміў у «Фэйсбуку» дырэктар Symbal.by Павал Белавус.
Таксама на ўсіх чатырох затрыманых супрацоўнікаў склалі пратаколы за «пікетаваньне шляхам разьмяшчэньня прадукцыі з сымболікай на прылаўку крамы», напісаў Белавус.
4 лютага чакаюцца суды над яшчэ дзьвюма супрацоўніцамі Symbal.by — Вольгай Ігнатовіч і Настасьсяй Трафімчык.
Усіх іх затрымалі ў суботу, 30 студзеня, пасьля праверкі ў краме Symbal.by.
