Ці праўдзівыя лічбы ўрадавай праграмы сацыяльна-эканамічнага разьвіцьця на наступныя 5 гадоў?

Насамрэч

Падман.

Паводле справаздачы Міжнароднага валютнага фонду «МВФ: Сусьветны эканамічны агляд. Базы дадзеных», ВУП Беларусі на душу насельніцтва паводле парытэту пакупніцкай здольнасьці ў 2020 годзе склаў $ 19 759. Гэта зусім не 21 тысяча даляраў, якія фігуруюць у афіцыйнай урадавай праграме.

Паводле той жа справаздачы МВФ у 2015 годзе адпаведны паказьнік у Беларусі складаў 18 058 даляраў. Такім чынам, за 5 гадоў ВУП Беларусі на душу насельніцтва паводле парытэту пакупніцкай здольнасьці павялічыўся на 9,4%, а зусім не на 16%, як урадоўцы напісалі ў праекце праграмы разьвіцьця на 2021–2025 гады.