Журналістак вінавацяць у тым, што яны прымалі актыўны ўдзел і нават кіравалі «групавымі дзеяньнямі, што груба парушаюць грамадзкі парадак», якія пацягнулі за сабой парушэньне працы грамадзкага транспарту. Як «грубае парушэньне грамадзкага парадку» сьледзтва расцэньвае мірную акцыю пратэсту на плошчы Пераменаў, адкуль Кацярына і Дар’я вялі жывы рэпартаж, інфармуе Белсат.
Сьледзтва сьцьвярджае, што стрым Кацярыны і Дар’і пацягнуў за сабой прыпыненьне руху 13 аўтобусных маршрутаў, трох тралейбусных і трох трамвайных. Шкода ГП «Менсктрансу» ацэненая ў 11 562 рубля і 14 капеек.
Кацярына Андрэева і Дар’я Чульцова за кратамі ад 15 лістапада.
