20-гадовая фатографка Шура Піліповіч-Сушчыц знаходзіцца ў ізалятары на Акрэсціна. Пачаўся тэрмін яе адміністрацыйнага арышту на 7 дзён за працу на Маршы памяці Рамана Бандарэнкі, паведамляе «Наша ніва».
Тады Піліповіч-Сушчыц затрымалі ў раёне станцыі мэтро «Пушкінская», калі яна толькі пасьпела дастаць апарат, адвезьлі ў Першамайскае РУУС, дзе склалі пратакол за ўдзел у «несанкцыянаванай акцыі». Да позьняй ночы яна была ў аддзеле, а ў 5:30 яе адпусьцілі, забраўшы тэхніку.
Тады ж Аляксандры ўручылі позву на 19 лістапада ў Першамайскі раённы суд, але калі за дзень да паседжаньня адвакат фатографкі пазваніў туды, высьветлілася, што Шуру ўжо асудзілі завочна. Прысуд на 7 дзён арышту вынесла судзьдзя Настасься Ляйкоўская. Неўзабаве судзьдзя Менскага гарадзкога суду Сьвятлана Чарапанава пацьвердзіла прысуд.
21 сьнежня Шуру Піліповіч-Сушчыц забралі на Акрэсьціна.
