Вернікі розных хрысьціянскіх канфэсій падпісваюцца пад трыма асноўнымі патрабаваньнямі:
Спыніць гвалт у дачыненьні да грамадзян, якія выказваюць сваё стаўленьне да сытуацыі ў краіне, што гарантуецца артыкулам 33 Канстытуцыі Беларусі
Аднавіць законнасьць, вызваліць усіх затрыманых з палітычных матываў і прыцягнуць да адказнасьці прадстаўнікоў дзяржаўных органаў, якія парушылі законы
Правесьці новыя прэзыдэнцкія выбары ў самыя кароткія тэрміны, прадугледжаныя заканадаўствам Рэспублікі Беларусь. Выбары павінны адпавядаць міжнародным дэмакратычным стандартам.
Ліст падпісалі протаярэй Георгі Рой з Горадні, каталіцкі сьвятар Віктар Жук зь Віцебску, дацэнт Менскай духоўнай акадэміі Сяргей Шатроўскі, пастары пратэстанцкіх цэркваў Леанід Вараненка, Антоні Бокун, Тарас Тэлькоўскі, сустаршыня аргкамітэту дзеля стварэньня партыі «Беларуская хрысьціянская дэмакратыя» Георгі Дзьмітрук ды шэраг іншых асобаў.
Збор подпісаў працягваецца.
