Пернікі і бізуны ў Брусэлі, параза футбалістаў у Тбілісі. Найважнейшае за 8 кастрычніка.
Футбольная зборная Беларусі прайграла ў Тбілісі камандзе Грузіі 0:1 у паўфінале плэй-оф кваліфікацыі чэмпіянату Эўропы. Гэта закрыла беларускай камандзе дарогу на чэмпіянат Эўра-2020, які быў перанесены на 2021 год.
Падчас візыту ў Славаччыну Сьвятлана Ціханоўская сустрэлася зь міністрам замежных спраў, прэм’ер-міністрам, а пазьней і з прэзыдэнткай гэтай краіны Зузанай Чапутавай.
Дыпляматы ЭЗ падрыхтавалі праект высноваў адносна сытуацыі ў Беларусі, які мае быць зацьверджаны на пасяджэньні Рады Эўразьвязу 12 кастрычніка.
Былы старшыня Аб’яднанай грамадзянскай партыі Анатоль Лябедзька затрыманы за адміністрацыйнае правапарушэньне.
Амбасада Літвы ў Беларусі і некаторыя візавыя цэнтры Літвы і Польшчы прыпынілі прыём дакумэнтаў на візы.
Менскі эканамічны суд адклаў разгляд пазову Міністэрства інфармацыі аб пазбаўленьні Tut.by статусу СМІ да разгляду ў Вярхоўным судзе скаргаў выданьня на вынесеныя яму 4 папярэджаньні.
Польшча вырашыла адклікаць з амбасады ў Менску, на патрабаваньне беларускага МЗС, 32 сваіх дыпляматаў.
