Лукашэнка ня мог перамагчы, а таму вырашыў паралізаваць супраціў шокавай тэрапіяй, — Карбалевіч
Вынікам гэтых выбараў стаў траўмаваны соцыюм. Такія раны атрымоўвае краіны звычайна пасьля грамадзянскай вайны. І з такім траўматычным комплексам беларусам давядзецца жыць бліжэйшымі гадамі, піша палітычны аглядальнік Свабоды Валер Карбалевіч.
Сьцісла:
- Вялізныя чэргі на выбарчых участках — нябачная справа для Беларусі. Абсалютная большасьць людзей у чэргах — гэта прыхільнікі пераме
- Прыход людзей на выбарчы ўчастак быў дэманстрацыяй грамадзянскай пазыцыі, своеасаблівым кукішам на адрас уладаў.
- Палітычнае кіраўніцтва фактычна паказвала, што яго мала цікавіць легітымнасьць выбараў. Стаўка робіцца на голую сілу.
- Афіцыйныя вынікаў выбараў настолькі неверагодныя ў электаральным кантэксьце, што ў іх не павераць нават прыхільнікі Лукашэнкі.
- Кіраўнік Беларусі імкнецца агаломшыць людзей настолькі неверагоднай лічбай сваёй перавагі, каб паралізаваць усялякую волю да супраціву.
У Серабранцы да цэнтру рухаецца калёна людзей
Затрыманьні на скрыжаваньні Машэрава і Пераможцаў
Карэспандэнт Свабоды стаў сьведкам, як шэсьць затрыманых у іншых раёнах горада людзей перагрузілі ў аўтазак на скрыжаваньні праспэктаў Машэрава і Пераможцаў, дзе стаяць узмоцненыя сілы АМАПу, унутраных войск і іншых спэцслужбаў. У іншым месцы — яшчэ 10 чалавек, сьведчаць калегі.
Бліжэй да будынку прафсаюзаў сабраўся натоўп, які скандуе і аплядуе. Сюды таксама прыехаў АМАП. Масавага «хапуну» пакуль ня бачна, але дзясяткі ўжо затрыманыя.
Абапал ракі Сьвіслач каля гатэлю «Беларусь» і насупраць, каля гатэлю «Юбілейны», сабралася некалькі соцень чалавек. Яны выкрыкваюць «ганьба», «жыве Беларусь!» і аплядуюць. Працягваюцца кропкавыя затрыманьні.
Каля гасьцініцы «Юбілейнай» таксама стаіць натоўп, адбываецца супрацьстаяньне.
ДАІ перакрылі рух па вуліцы Чырвонай за плошчай Якуба Коласа ў накірунку вуліцы Машэрава і стэлы.
У цэнтр ідуць людзі з Грушаўкі
Пасьля пратэстаў 9 жніўня СК завёў 21 крымінальную справу, затрымалі больш за 80 чалавек
Сьледчы камітэт працягвае расьсьледаваньне крымінальных спраў па фактах масавых беспарадкаў і гвалту ў дачыненьні да супрацоўнікаў органаў унутраных спраў у ноч з 9 на 10 жніўня 2020 году ў Менску і іншых рэгіёнах краіны, паведамляе СК у Тэлеграме.
Усяго тэрытарыяльныя падразьдзяленьні СК завялі 21 крымінальную справу па па наступных артыкулах Крымінальнага кодэксу:
- арт.293 (масавыя беспарадкі);
- ч.2 ст.363 (супраціў супрацоўніку органаў унутраных спраў, спалучаны з ужываньнем гвалту або пагрозай яго ўжываньня);
- арт.364 (гвалт альбо пагроза ўжываньня гвалту ў дачыненьні да супрацоўніка органаў унутраных спраў);
- ч.1 арт.339 (хуліганства);
- арт.342 (арганізацыя і падрыхтоўка дзеяньняў, што груба парушаюць грамадзкі парадак, альбо актыўны ўдзел у іх).
Цяпер па падазрэньні ў зьдзяйсьненьні дадзеных злачынстваў затрымалі больш за 80 чалавек, паведамляе СК. Большасьць зь іх — маладыя людзі ва ўзросьце 20-25 гадоў. Паводле сьледчага камітэту, частка падазраваных у момант затрыманьня знаходзілася ў стане наркатычнага або алькагольнага ап’яненьня.
Як раней паведамляла МУС, падчас акцыі пратэсту 9 жніўня пацярпелі 39 міілцыянтаў (Мінздароўя казала пра 40 праваахоўнікаў).
Ля Палацу дзяцей і моладзі затрымалі трох няпоўнагадовых хлопцаў
На вуліцы Чарвякова, каля Палацу дзяцей і моладзі, затрымалі трох няпоўнагадовы хлопцаў (па 16 год) Мірона Вітушку, Франака Цюленева і Усяслава Сагановіча. Зь імі былі таксама паўнагадовы Алесь (прозьвішча невядомае) і маці Мірона Вітушкі. Яны рухаліся па дарозе ў бок цэнтру, паведамляе праваабарончы цэнтар «Вясна» ў Тэлегаме.
Раптам спынілася машына, адтуль выбеглі сілавікі, адштурхнулі маці Вітушкі і забралі хлопцаў.
Затрыманьні на плошчы Перамогі ў Віцебску
Плошча Перамогі ў Віцебску пустая. Людзі стаяць на ходніках па пэрымэтры. Іх мала і іх затрымліваюць, адбылося ня менш за дзесяць затрыманьняў. Затрыманыя ніяк не праяўлялі сваю палітычную пазыцыю, некаторыя здымалі падзеі на тэлефон.
З набярэжнай Сьвіслачы выцясьняюць пратэстоўцаў
Менск: перакрыты праспэкт Пераможцаў. Па ім рухаецца толькі транспарт праваахоўнікаў і машыны «хуткай»
Сілавікі пачалі выцясьняць і затрымліваць мітынгоўцаў на набярэжнай ракі Сьвіслач, перадае карэспандэнт РИА Новости.
На скрыжаваньні праспэкту Незалежнасьці і вуліцы Сурганава стаяць шмат аўтамабіляў, кіроўцы сыгналяць. Не зразумела, ці гэта затор ці аўтамабілісты заблякавалі праезд. Ня бачна, каб пратэстоўцы зьбіраліся на вуліцах, перадае карэспандэнт Свабоды.
Каля супэрмаркету «Карона» ў Менску пратэстоўцы перагарадзілі дарогу
У Горадні пачалі масавыя затрымліваць людзей
У Горадні ўвечары 10 жніўня зноў пачаліся затрыманьні людзей. Як паведамляюць Свабодзе відавочцы, затрымалі агулам каля 200-300 чалавек. Затрыманьні пачаліся яшчэ да таго, як з ізалятару вызвалілі большасьць затрыманых падчас акцыі пратэсту 9 жніўня. Тыя, каго вызвалялі з ізалятару, паведамляюць, што ўдзень падвозілі новых затрыманых.
Ачэплены ўвесь цэнтар гораду, перакрыты рух. Усіх, хто здолеў прайсьці праз ачапленьне, адразу забіраюць і «пакуюць» у аўтазакі міліцыянты з чорнай форме і шаломах. Ужо каля 5 аўтазакаў прывезьлі ў ізалятар людзей.
Людзі нічога не скандуюць, выходзяць безь сьцягоў. Яны проста мірна знаходзяцца на вуліцы або шпацыруюць. Міліцыянты забіраюць усіх без разбору. Стала вядома, што ўчора забіралі людзей з маленькімі дзецьмі.
Аўтамабілі ў цэнтры гораду актыўна сыгналяць. У гэтых месцах пакуюць пешаходаў.
АМАПавец падаў руку жанчыне зь бел-чырвона-белым сьцягам
Менск. На мосьце празь Сьвілач на праспэкце Незалежнасьці сабраліся людзі. Адна жанчына дастала бел-чырвона-белы сьцяг. Неўзабаве да мосту падʼехаў шэры мікрааўтобус, зь яго выйшлі 4 супрацоўнікі АМАП. Пратэстоўцы пачалі разыходзіцца, каб пазьбегнуць затрыманьняў. Адзін з амапаўцаў падыйшоў да жанчыны, стаў зь ёй размаўляць, а пасьля дапамог спусьціцца з парапэта мосту, падаўшы руку, перадае карэспандэнт тэлеканалу «Настоящее время» Раман Васюковіч. Людзі пачалі скандаваць «Малайцы!», супрацоўнікі АМАП нікога не затрымалі.
Паранілі журналістку «Нашай Нівы»
«Наша Ніва» перадае, што журналістку выданьня Натальлю Лубнеўскую паранілі ў нагу. дэталі пракуль не паведамляюцца.
Як паведамляе выданьне, агонь людзі ў форме хакі вялі агонь з боку моста на вуліцы Кальварыйскай.
Сайт газэты ад ўчора блякуецца.
На акцыю прыйшла Ніна Багінская зь бел-чырвона-белым сьцягам
Насупраць гатэлю «Юбілейная» зьявіліся бел-чырвона-белыя сьцягі. Са сьцягам прыйшла туды і пэнсіянэрка Ніна Багінская.
Яна распавяла карэспандэнту Свабоды, што яна была і на ўчорашняй акцыі пратэсту, падчас брутальнага разгону, таксама са сьцягам. 9 жніўня ў яе канфіскавалі сьцяг, і сёньня яна пайшла ў МУС і напісала скаргу, чаму гэты сьцяг важны для яе, і запатрабавала яго вярнуць. Сьцяг ёй не вярнулі, але яна ўзяла іншы і зноў прыйшла на акцыю.
На Старавіленскім тракце корак з машынаў, кіроўцы сыгналяць
На Старавіленскім тракце ўтварыўся вялікі корак з машын. Кіроўцы няспынна сыгналяць і паказваюць з вокнаў белыя бранзалеты і іншую белую сымболіку. Дзьве машыны ДАІ спыніліся, спрабуюць урэгуляваць дарожны рух, разагнаць кіроўцаў, але не атрымліваецца.
Такія акцыі кіроўцаў утвараюцца спантанна ў розных месцах гораду.
Спэцназ перакрывае цэтар Мазыра:
Менск. Карэспандэнт Свабоды: ДАІ перакрыла выезд з вуліцы Сурганава на праспэкт Незалежнасьці. Людзі ходзяць уздоўж праспэкту невялікімі групамі. Невядома, куды яны накіроўваюцца.
Вайскоўцы ўнутраных войскаў каля супэрмаркету «Карона» ў Менску:
Сілавікі пусьцілі газ
Людзі хаваюцца ад сілавікоў у гандлёвым цэнтры «Карона». Пратэстоўцы бяруцца ў сцэпку і крычаць «Міліцыя з народам!», паведамляе Tut.by у Тэлеграме.
Людзі ў вайсковай форме з аўтаматамі, у амуніцыі зь вялікімі заплечнікамі. Іх тут каля сотні. Некалькі дзясяткаў сілавікоў перакрылі мост на Кальварыйскай — зараз аўтамабілісты ня могуць па ім рухацца.
Сілавікі пусьцілі газ.
Разгонам кіруе Паўлічэнка, якога падазраюць у датычнасьці да зьнікненьня апанэнтаў Лукашэнкі
Менск. Як паведамляе карэспандэнт Свабоды, каля гатэлю Беларусь разгонам кіруе Дзьмітры Паўлічэнка – былы камандзір вайсковай часткі 3214, былы камандзір СОБРа, невыязны ў краіны Эўропы і ЗША, дзе яго падазраюць у датычнасьці да зьнікненьня апанэнтаў Лукашэнкі Захаранкі, Ганчара, Красоўскага і Завадзкага. Цяпер ён узначальвае Беларускую асацыяцыю вэтэранаў падразьдзяленьняў адмысловага прызначэньня войскаў МУС «Гонар».
