Зорка 90-х Haddaway заявіў, што не пагаджаўся на канцэрт у Беларусі. Улады анансавалі яго выступ у Гомлі 8 жніўня

На сайце Гомельскага гарвыканкаму на 8 жніўня анансаваная акцыя «Разам за Беларусь!», у межах якой абяцаюць выступы зоркі 90-х Haddaway, гуртоў Boney M, «Дыскатэка Аварыя», Jazz city band і беларускіх «Сяброў».

Беларусы сталі пісаць Haddaway у Інстаграме з заклікамі адмовіцца ад удзелу ў праўладным канцэрце ў падтрымку «дыктара Лукашэнкі».

У камэнтарах рэпэр адказаў на некаторыя паведамленьні:

• «Такім чынам, вы памыліліся! Нехта выкарыстоўвае маё імя!!!!»
• «Калі ласка, скажыце іншым, што мяне там ня будзе».
• «Мой дарагі, я ня буду там. Я не пагаджаўся ні на які канцэрт там... (у Беларусі. — Рэд.)»
• «Гэта вар’яцтва! Я не зраблю гэтага!!!» і інш.

ГЛЯДЗІЦЕ ТАКСАМА:

«Пры чым тут Лукашэнка?» — каманда ўкраінскага сьпевака Алега Віньніка пра выступ у Берасьці перад выбарамі

ГЛЯДЗІЦЕ ТАКСАМА:

Напярэдадні выбараў па ўсёй Беларусі пройдуць канцэрты зорак расейскай эстрады