1 жніўня жыхары Светлагорска Юля Дудко, Арцём Данілаў і праваабаронца Алена Масьлюкова прыйшлі ў мясцовы РАУС, каб даведацца пра лес дваіх знаёмых, якіх затрымалі тры дні таму.
«У міліцыі нам адказалі, што іх не адпусьцяць сёньня. Мы стаялі і размаўлялі каля будынку РАУС, як адтуль выскачылі супрацоўнікі АМАПу і затрымалі спачатку Юлю Дудко, а потым Арцёма Данілава», — распавяла Свабодзе Алена Масьлюкова.
Яна мае намер скардзіцца ў пракуратуру на такія дзеяньні супрацоўнікаў АМАПу.
Юлю Дудко і Арцёма Данілава ўжо на гэтым тыдні затрымлівала міліцыя. Невядомыя падпалілі аўтамабіль супрацоўніка райвыканкаму, і цяпер міліцыя затрымлівае актывістаў і раварыстаў.
