Падзеі 24 ліпеня ў беларускай і сусьветнай гісторыі.
Дата дня
24 ліпеня 1950 году нарадзіўся Генадзь Грушавы, беларускі філёзаф, грамадзкі дзяяч, стваральнік і кіраўнік фонду «Дзецям Чарнобылю».
Таксама ў гэты дзень
1198 — заснаваны горад Рыга.
1618 — пабачыў сьвет першы беларускі лемантар. Называўся ён «Буквар мовы славянскай, пісаны чытаньню вучыцца хто хоча ў карыснае кіраваньне» і быў надрукаваны ў Еўі (цяпер гэта мястэчка Вевіс у Літве).
1959 — адбылася «кухонная спрэчка»: у ходзе візыту ў СССР на адкрыцьці амэрыканскай выставы ў Маскве віцэ-прэзыдэнт ЗША Рычард Ніксан меў дыскусію з савецкім першым сакратаром Мікітам Хрушчовым.
1993 — у Лідзе адкрылі помнік Францішку Скарыну.
Instagram Скарыны: Жыцьцё першадрукара ў 13 падарожжах
1993 — канец адзінай рублёвай зоны краінаў СНД, апублікавана паведамленьне Цэнтральнага банку Расеі аб спыненьні хаджэньня купюраў савецкага ўзору.
2007 — у Наваградку адкрыты мэмарыяльны комплекс на месцы былога гета. З гэтага гета ў верасьні 1943 году праз тайна выкапаны тунэль уцяклі 250 вязьняў.
У гэты дзень нарадзіліся
1754 — Юзаф Арнульф Гедройць, князь, жамойцкі біскуп, літоўскі пісьменьнік, асьветнік, перакладнік.
1783 — Сымон Балівар, змагар за незалежнасьць ад Гішпаніі калёніяў у Лацінскай Амэрыцы.
1802 — Аляксандар Дзюма (бацька), францускі пісьменьнік.
1820 — Люцыян Крашэўскі, беларускі і польскі мастак, фатограф.
1828 — Мікалай Чарнышэўскі, расейскі літаратурны крытык і публіцыст.
1860 — Альфанс Муха, чэскі мастак.
1896 — Аляксандар Орса, беларускі пэдагог і грамадзка-культурны дзяяч.
1927 — Канстантын Кабашнікаў, беларускі фальклярыст.
1934 — Генадзь Гарбук, беларускі актор тэатру і кіно.
1948 — Ян Матусевіч, беларускі рэлігійны й грамадзкі дзяяч, сьвятар.
У памяці
1887 — Іван Барычэўскі, беларускі археоляг, гісторык фальклярыст і этнограф.
1927 — Акутагава Руноскэ, японскі паэт і пісьменьнік.
