Ці праўда, што свабода слова ў любой дзяржаве абмежаваная законам?

Насамрэч

Першая папраўка да Канстытуцыі ЗША абвяшчае:

Кангрэс не павінен выдаваць ніводнага закону, які адносіцца да ўсталяваньня рэлігіі альбо які забараняе свабоднае яе вызнаньне, альбо абмяжоўвае свабоду слова ці друку, альбо права народу мірна зьбірацца і зьвяртацца да ўраду з пэтыцыямі аб задавальненьні скаргаў.

Гэтае палажэньне Канстытуцыі Злучаных Штатаў наўпрост забараняе прымаць законы, якія б абмяжоўвалі свабоду слова. Папраўка была прынятая Кангрэсам ЗША ў 1791 годзе — за 200 гадоў да набыцьця Беларусьсю незалежнасьці.