Ці праўда, што Дзень Перамогі забаронены ў некаторых краінах сьвету, як кажа Лукашэнка?

Насамрэч

Няпраўда.

У большасьці краінаў Эўразьвязу (прынамсі, у суседзяў Беларусі — Польшчы, Літве і Латвіі) дзень перамогі над нацысцкай Нямеччынай адзначаецца 8 траўня. Ён так і называецца — Victory in Europe Day (Дзень Перамогі ў Эўропе).

Канчатковая капітуляцыя Нямеччыны была падпісаная ў ноч з 8 на 9 траўня 1945 году, паводле эўрапейскага часу момант падпісаньня прыпаў на 8 траўня, паводле маскоўскага часу — ужо на 9 траўня.

Пры гэтым ніякіх забаронаў на сьвяткаваньне Дня Перамогі і 9 траўня ў краінах Эўразьвязу не існуе. Ва Ўкраіне афіцыйна адзначаюцца і 8 траўня (Дзень памяці і прымірэньня), і 9 траўня (Дзень перамогі над нацызмам у Другой усясьветнай вайне).