Людзі выйшлі на вуліцы пасьля нерэгістрацыі Бабарыкі і Цапкалы. Адбыліся затрыманьні

На праспэкце Незалежнасьці і прылеглых вуліцах у цэнтры Менску адключылі асьвятленьне

АМАП перакрыў Савецкую вуліцу ў цэнтры Берасьця

Людзі на Нямізе скандуюць «Сыходзь!»

Менск: Людзі на Нямізе і ня думаюць разыходзіцца. Працягваюцца сутычкі паміж АМАПам, а таксама праваахоўнікамі ў цывільным і ўдзельнікамі акцыі. Відавочцы ў сацсетках паведамляюць, што на Нямізе затрымліваюць нават выпадковых наведнікаў KFC.

Працягваюць «прагульвацца» і па праспэкце Незалежнасьці, але тут людзей менш.

У Берасьці люзі ідуць па ходніку пад гукі песьні Віктара Цоя «Перемен». Аўтамабілісты сыгналяць.

З Цэнтральнага РАУС у Менску выпусьцілі журналістаў Радыё Свабода і Эўрарадыё.

Вось як іх затрымлівалі.

Як пратэстоўцы адбівалі людзей у міліцыі. ВІДЭА

Да 20 чалавек затрымалі амапаўцы ў Новай Баравой пад Менскам, — напісаў тамтэйшы жыхар.

Жорсткая спроба затрыманьня на Нямізе.

«Вясна» паведамляе пра 110 затрыманых.

Паводле тэлеграм-каналу «Мая краіна Беларусь», людзі дагэтуль застаюцца стаяць на Нямізе.

На Нямізе затрымалі журналістаў Tut.by

Падчас асьвятленьня акцый пратэсту ў Менску затрымалі журналістаў Tut.by Усевалада Зарубіна і Аляксея Суднікава, якія працавалі на скрыжаваньні вуліц Раманаўская Слабада і Няміга.

Месцазнаходжаньне журналістаў невядома. Суднікава затрымалі друг раз за вечар. Першы раз журналіста затрымалі а 20:00 на праспэкце Незалежнасьці і праз 10 хвілін адпусьцілі.