«Паказвалі відэа і фота, але не дапамагло». Кампанія выйшла з бару і трапіла ў аўтазак за ўдзел у несанкцыяванай акцыі
Мянчанку Алену Макусь і яе сяброўку Кацярыну Маліноўскую 28 чэрвеня зьбірацца судзіць за ўдзел у несанкцыянаванай масавай акцыі, якая адбылася ў пятніцу 19 чэрвеня на праспэкце Незалежнасьці. Яны ж кажуць, што былі ў бары, і што ў іх ёсьць доказы.
Беларускія ланцугі салідарнасьці: Варшава, Беласток
Ланцугі салідарнасьці з палітзьняволенымі ў Беларусі і з патрабаваньнем свабодных і справядлівых выбараў прайшлі ў Варшаве і Беластоку.
Беларускі ланцуг салідарнасьці: Прага
Уся Старамесцкая плошча ў Празе сёньня была беларускай. Сюды прыйшлі некалькі сотняў дэманстрантаў. Па-беларуску, па-чэску, па-ангельску яны патрабавалі свабоды палітвязьням, зьняволеным за салідарнасьць грамадзянам і блогерам Беларусі.
Беларускія ланцугі салідарнасьці: Бэрлін, Гамбург, Брэмэн
У гарадах Нямеччыны 27 чэрвеня прайшлі акцыі, прысьвечаныя сытуацыі ў Беларусі. Удзельнікі імпрэзаў, узгодненых з уладамі, патрабавалі правядзеньня свабодных прэзыдэнцкіх выбараў і выказвалі салідарнасьць з затрыманымі.
Беларускі ланцуг салідарнасьці: Браціслава
«Нават у такім маленькім горадзе, як Браціслава, мы здолелі сабрацца і праявіць нашу актыўную грамадзянскую пазыцыю», — кажуць беларусія ўдзельнікі акцыі салідарнасьці.
Беларускі ланцуг салідарнасьці: Балі
У Інданэзіі, на Балі, беларусы сабраліся на акцыю салідарнасьці на ўзьбярэжжы акіяну.
Бел-чырвона-белы Парыж сёньня. ФОТАГАЛЕРЭЯ
Бел-чырвона-белы Парыж сёньня. ФОТАГАЛЕРЭЯ
«Вы дапамагаеце абараніць свабоду выказваньняў». У Парыжы падтрымалі беларускіх журналістаў, вязьняў і дэманстрантаў
На мітынгу выступіў пасол Францыі па правах чалавека Франсуа Крокет, які ад імя ўраду Францыі выказаў падтрымку беларускім дэманстрантам. Таксама на мітынгу, зладжаным мясцовымі беларусамі, было зачытанае пасланьне Крыстофа Дэлюара, генэральнага сакратара арганізацыі «Рэпартэры бязь межаў».
Беларускія ланцугі салідарнасьці: Маямі і Бостан
У ЗША беларусы Флорыды правялі ў Маямі ланцуг салідарнасьці. У акцыі, якую правялі беларусы Бостану, удзельнічаў пэрсанаж «таракан».
Беларускія ланцугі салідарнасьці: Турэччына і Кіпр
Акцыі беларускай салідарнасьці і ў Лімасоле на поўдні Кіпру і ў турэцкім Ізьміры.
Беларускі ланцуг салідарнасьці: Нью-Ёрк
Беларускі ланцуг салідарнасьці: Нью-Ёрк
Хлопца не прапусьцілі ў выбарчую камісію, ён запісаў відэазварот да Ярмошынай
Бабруйчанін Андрэй Карэлін зьбіраў подпісы за Віктара Бабарыку, пасьля вырашыў стаць сябрам выбарчай камісіі на ўчастку №73 у Першамайскім раёне Бабруйску. Але на паседжаньне, дзе мусяць прымаць рашэньне аб уваходжаньні ў камісію Андрэя і яшчэ чатырох жыхароў Бабруйску, якія хацелі трапіць у выбарчыя камісіі, не пусьцілі. Нібыта, іх дакумэнты былі аформленыя няправільна.
У адказ на гэта Андрэй запісаў відэазварот да кіраўніцы Цэнтральнай выбарчай камісіі Лідзіі Ярмошынай.
«Лідзія Міхайлаўна, я паважаю вашую працу, дык чаму ж манастыр чужы, я нас вы называеце супрацьлеглым бокам. Мы што грамадзяне іншай краіны? Ці кампанія вядзецца не за народныя грошы? І чаму наогул «манастыр», выбары – гэта нешта закрытае?» – пытаецца Андрэй Карэлін. Цалкам чытайце тут.
Айцішнікі і спэцыялісты іншых сфэр прапануюць бясплатна вучыць тых, хто «сутыкнуўся з рэпрэсіямі»
У апошнія дні ў сеціве зьявілася некалькі ініцыятываў па дапамозе пацярпелым ад рэпрэсій у Беларусі. Тым, хто праз свае палітычныя перакананьні страціў працу або сам хоча сысьці, каб не выконваць «злачынныя загады», прапануюць дапамогу ў перакваліфікацыі і атрыманьні новай прафэсіі. Падрабязьней пра ўсе ініцыятывы чытайце па спасылцы.
Беларускі ланцуг салідарнасьці ля помніку Касьцюшку. Бостан
27 чэрвеня каля 100 амэрыканскіх беларусаў выйшлі на акцыю салідарнасьці ў амэрыканскім Бостане. Людзі сабраліся каля Goverment Center і дайшлі да помніка Тадэвушу Касьцюшку.
Удзельнік акцыі пратэсту выказаліся за правядзеньне свабодных і справядлівых выбараў у Беларусі, супраць таго, што ўлада не зьмяняецца ў іх на радзіме, патрабавалі вызваліць палітвязьняў. Пераважная большасьць удзельнікаў акцыі — моладзь 25-30 гадоў.
Адметна, што паліцыянт, які стаяў ля помніка Касьцюшку, меў беларускія карані — ягоная бабуля прыехала ў ЗША зь Беларусі.
«Мы разам». У Кіеве адбыўся марш салідарнасьці зь Беларусьсю
У Кіеве з ініцыятывы Руху салідарнасьці «Разам» адбыўся марш у падтрымку беларусаў, якія сутыкнуліся з рэпрэсіямі ў часе кампаніі выбараў прэзыдэнта, прызначаных на 9 жніўня.
У акцыі ўдзельнічалі каля 100 чалавек — беларусы, якія ўжо доўгі час жывуць ва Ўкраіне, і ўкраінцы — актывісты і сябры палітычных рухаў і партыяў. Акцыя адбывалася пад бел-чырвона-белымі і ўкраінскімі сьцягамі.
Беларускі ланцуг салідарнасьці: Санкт-Пецярбург
Апошнімі днямі ў шмат якіх месцах сьвету прайшлі ланцугі салідарнасьці і акцыі ў падтрымку беларусаў, падчас якіх удзельнікі патрабавалі свабоды зьняволеным грамадзянам і блогерам Беларусі і дэмакратычных выбараў у краіне.
Пікет салідарнасьці быў зладжаны ў Санкт-Пецярбургу.
Беларускі ланцуг салідарнасьці: Лёндан і Манчэстэр
Пікеты салідарнасьці адбыліся 28 чэрвеня ў Лёндане і Манчэстэры. Беларусі Вялікай Брытаніі патрабавалі справядлівых выбараў і вызваленьня палітвязьняў.
Беларускі ланцуг салідарнасьці. Філядэльфія і Нью-Ёрк
У нядзелю 28 чэрвеня ў Філядэльфіі і Нью-Ёрку прайшлі акцыі салідарнасьці беларусаў Амэрыкі.
«Людзі, якія сабраліся падтрымаць арыштаваных і затрыманых, упэўненыя, што толькі разам мы зможам быць 97% беларусаў, жадаючых зьменаў у краіне. Мерапрыемства прайшло ў LOVE PARK у цэнтры Філядэльфіі, у горадзе, дзе была абвешчаная дэклярацыя незалежнасьці ЗША. Мы ўпэўненыя, што бліжэйшым часам і наша родная краіна будзе незалежнай і свабоднай», – напісаў на сваёй старонцы ў Фэйсбуку адзін з удзельнікаў акцыі ў Філядэльфіі.
Чарговая беларуская акцыя салідарнасьці прайшла 28 чэрвеня ў Нью-Ёрку.
Беларусі ланцуг салідарнасьці. Мюнхэн
28 чэрвеня ў Мюнхэне прайшла беларуская акцыя салідарнасьці, у якой узялі ўдзел каля 200 прадстаўнікоў беларускай дыяспары ў Баварыі.
«У Беларусі перадрэвалюцыйная сытуацыя, вэртыкаль улады можа абрынуцца зьнянацку», — украінскі палітоляг
- У Беларусі назіраецца электаральная рэвалюцыя — мабілізацыя вялікай часткі насельніцтва, якая спрабуе паўплываць на вынік выбараў;
- Падобныя рэвалюцыі разьвіваюцца па нечаканым шляху. Яны непрадказальныя і для ўлады, і для апазыцыі;
- У Беларусі можа адбыцца ўкраінскі сцэнар 2004 году, але не 2013–2014;
- Звычайна гэта мірны супраціў і бяскроўная зьмена ўлады;
- Вэртыкаль улады пабудаваная на асабістых стасунках, на ляяльнасьці і падпарадкаваньні. Яна рассыпаецца вельмі лёгка.
- Існуюць разумныя аўтарытарныя рэжымы, якія не выклікаюць у грамадзян жаданьня пратэставаць. Але гэта не пра Беларусь.
- Рэсурсы беларускага аўтарытарызму вычарпаныя. Палітычныя рэпрэсіі дэманструюць слабасьць рэжыму.