У Расеі за суткі выявілі 9263 інфікаваных каранавірусам, сьведчыць статыстыка апэратыўнага штабу барацьбы з пашырэньнем каранавіруснай інфэкцыі. Агульная колькасьць выяўленых выпадкаў ад пачатку ўспышкі наблізілася да 300 тысячаў і склала 299 941.
Каранавірус у Беларусі і ў сьвеце. Як разьвіваюцца падзеі >>
Чацьвёртыя суткі запар, сьцьвярджае афіцыйная статыстыка, выяўляецца менш за дзесяць тысяч інфікаваных. Колькасьць памерлых ад каранавірусу за дзень, паводле афіцыйных дадзеных, склала 115, за ўвесь час — 2837. Ачуняў за суткі 5921 чалавек, а ўсяго 76 130.
