Ці праўда, што вакцыны супраць пнэўманіі абараняюць ад новага каранавірусу?

Насамрэч

Няпраўда.

Сусьветная арганізацыя здароўя разглядае такое ўяўленьне як адзін з памылковых мітаў і забабонаў наконт COVID-19. На адмысловай старонцы на сайце арганізацыі пра гэты міт сказана наступнае: Вакцыны супраць пнэўманіі, напрыклад пнэўмакокавая вакцына або вакцына супраць гемафільнай палачкі тыпу В (Hib-вакцына), не абараняюць ад новага каранавірусу. Гэты вірус прынцыпова адрозьніваецца ад усіх астатніх, і ад яго патрабуецца адмысловая вакцына.

Цяпер навукоўцы спрабуюць распрацаваць вакцыну супраць вірусу 2019-nCoV, і САЗ аказвае ім дапамогу.

Нягледзячы на тое, што вакцыны ад пнэўманіі неэфэктыўныя супраць віруса 2019-nCoV, вакцынацыя супраць рэсьпіраторных захворваньняў па-ранейшаму настойліва рэкамэндуецца.