Таксама захварэлі манахі, выкладчыкі і студэнты Кіеўскай духоўнай акадэміі.
У Кіева-Пячорскай лаўры, якая застаецца пад кантролем Украінскай праваслаўнай царквы Маскоўскага патрыярхату (УПЦ МП), заразіліся каранавірусам ўсе сьвятары.
Пра гэта расейскаму выданьню РБК паведаміў кіраўнік інфармацыйна-асьветніцкай управы УПЦ МП мітрапаліт Клімент.
Таксама захварэлі манахі, выкладчыкі і студэнты Кіеўскай духоўнай акадэміі, якая месьціцца на тэрыторыі лаўры, — усяго каля 150-200 чалавек.
Паводле мітрапаліта Клімента, цяпер ужо большасьць клірыкаў ідуць на папраўку. Памерлі ад каранавірусу трое чалавек, дадаў ён.
13 красавіка стала вядома, што Кіева-Пячорская лаўра зачыняецца на карантын.
Тым часам у Расеі памёр япіскап Расейскай праваслаўнай царквы Веніямін (Каралёў), інфікаваны каранавірусам. У яго была дыягнаставаная двухбаковая пнеўманія. Памерлы стаў першым герэем РПЦ, які памёр ад хваробы.
