Насамрэч
Хутчэй падман.
Усясьветная арганізацыя здароўя трактуе і адну, і другую парады як міты. У разьдзеле «Разбуральнікі мітаў» на сайце арганізацыі гаворыцца:
Узьдзеяньне сонца або тэмпэратуры вышэй за 25 градусаў Цэльсія НЕ ПЕРАШКАДЖАЕ ўзьнікненьню каранавіруснай хваробы. Вы можаце захварэць на COVID-19, якое б ні стаяла сонечнае ці гарачае надвор’е.
Ці можа ўльтрафіялетавая дэзынфэкцыйная лямпа зьнішчыць новы каранавірус?
Ультрафіялетавыя лямпы не павінны выкарыстоўвацца для стэрылізацыі рук ці іншых участкаў скуры, бо ўльтрафіялетавае выпраменьваньне можа выклікаць раздражненьне скуры.
Экспэрты кажуць, што ўльтрафіялетавае апраменьваньне можа даваць пэўны плён у барацьбе з каранавірусам, але толькі пры абеззаражваньні паверхняў. Калі ж апрацоўваць ультрафіялетам скуру чалавека, то шкоды, прычым гарантаванай, будзе больш, чым магчымай карысьці ад зьніжэньня імавернасьці захварэць.
Падзяліцеся ў сацыяльных сетках са сваімі сябрамі