Ці праўда, што беларуская вёска мае доступ да інтэрнэту на 16% менш, чым горад?

Насамрэч

Праўда. Пра гэта сьведчаць дадзеныя сьвежай штогадовай справаздачы Белстату «Беларусь у лічбах — 2020».

Паводле яе, у групе грамадзянаў Беларусі ва ўзросьце ад 6 да 72 гадоў сярод гараджанаў доступ да інтэрнату маюць 87%, сярод жыхароў вёскі — 71%, розьніца ў 16 адсоткавых пунктаў.

Пры гэтым сярод гараджанаў 80% маюць пэрсанальныя кампутары, у вяскоўцаў гэты паказьнік складае 63%.

А вось забясьпечанасьць мабільнай сувязьзю амаль усеагульная, хаця ў вёсках і крыху ніжэйшая, чым у гарадах: сярод гараджанаў ёй карыстаюцца 98%, сярод сялянаў — 94%.