Два выпадкі заражэньня каранавірусам пацьверджаныя ў аўторак, 25 лютага, а Аўстрыі, у фэдэральнай зямлі Тыроль. Двое маладых людзей шпіталізаваныя пасьля прыезду з італьянскага рэгіёну Лямбардыя, заявіў прадстаўнік бальніцы ў Інсбруку.
Стан абодвух інфікаваных добры, яны будуць заставацца ў карантыне, пакуль улады вызначаць, з кім яны кантактавалі ў апошні час.
У Швайцарыі выпадак заражэньня зафіксаваны ў кантоне Тычына, які мяжуе з Італіяй, паведаміў прадстаўнік фэдэральнага агенцтва па ахове здароўя. У Харватыі з лёгкімі сымптомамі віруса шпіталізаваны малады чалавек, які з 19 па 21 лютага быў у Італіі.
Першы выпадак заражэньня ў Румыніі таксама зьвязаны з тымі, хто прыехаў з Італіі. Хворы зьмешчаны ў карантын у Бухарэсцкай інфэкцыйнай бальніцы.
