Ці праўда, што летась беларусы купілі рэкордна шмат новых аўтамабіляў?

Насамрэч

Чыстая праўда. Пра гэта заявілі прадстаўнікі Беларускай аўтамабільнай асацыяцыі (БАА).

Паводле старшыні праўленьня БАА Сяргея Міхневіча такі значны рост продажаў летась быў выкліканы адкладзеным попытам, які фармаваўся ў 2014-2016 гады. У параўнаньні з 2016 годам у 2019 годам продаж новых аўтамабіляў у Беларусі павялічыўся больш чым удвая.

Самымі папулярнымі маркамі новых аўтамабіляў, якія летась куплялі беларусы, былі Lada (25%), Renault (19%), Volkswagen (12%), Geely (11%), KIA (6%).

Паводле дадзеных БАА цяпер амаль 80% аўтамабіляў, якія прадаюцца ў Беларусі, вырабляюцца ў Расеі.