Насамрэч
Праўда. Прынамсі, гэта вынікае з дасьледаваньня, якое ў 2018 годзе правёў Цэнтар сацыялягічных дасьледаваньняў пры міністэрстве навукі і адукацыі Расеі. Вынікі дасьледаваньня былі апублікаваныя расейскім інфармацыйным агенцтвам РБК. Паводле дасьледаваньня расейская мова цяпер займае дзясятае месца ў сьвеце паводле распаўсюджанасьці. На ёй у сьвеце гавораць 235 мільёнаў чалавек.
Для параўнаньня — на самай распаўсюджанай мове, ангельскай, гавораць больш за паўтара мільярды людзей на Зямлі, крыху меншы (1.400 мільёнаў) — распаўсюджанасьць кітайскай.
Больш чым на расейскай мове гавораць на партугальскай (265 мільёнаў чалавек) і бэнгальскай (263 мільёны).Па дадзеных дадзеных сацыёлягаў расейскага міністэрства адукацыі напачатку 1990-х гадоў колькасьць людзей у сьвеце, якія вывучалі расейскую мову, складала 74,6 млн чалавек, да 2004 году яна скарацілася да 51,2 мільёна, у 2018 годзе — да 38,2 мільёна чалавек.
За межамі Расеі ў краінах СНД, Грузіі і краінах Балтыі колькасьць людзей, якія вывучаюць расейскую мову, з 2004 году па 2018 год зьменшылася з 11.3 мільёнаў да 7.5 мільёнаў.
Падзяліцеся ў сацыяльных сетках са сваімі сябрамі