Ці праўда, што тэмп росту эканомікі Беларусі будзе расьці?

Як яно на самой справе

Спэцыялісты World Bank прагназуюць запавольваньне росту эканомікі Беларусі: яны мяркуюць, у 2019 годзе ВУП складзе 1.8%, у 2020 і 2021 — 1.3% і 1.2% адпаведна.

У кастрычніку мінулага году World Bank прагназаваў, што тэмп прыросту ВУП Беларусі ў 2019 годзе складзе 2.7%, у 2020 — 2.5%. Але гэтыя прагнозы аказаліся занадта аптымістычнымі, і ўжо ў чэрвені лічбы на 2020 і 2021 гады зьнізіліся амаль удвая.

Экспэрты адзначаюць, што ва ўсім сьвеце эканоміка перажывае не найлепшыя часы, і Беларусь не выключэньне. Прагноз росту сусьветнай эканомікі ў 2019 годзе ўпаў на 0,4 адсоткавага пункта — да 3,3%. Прычына — гандлёвыя войны ЗША, Brexit і іншыя фактары.