Калі ў красавіку 1986 году выбухнуў Чарнобыль, прэзыдэнт Акадэміі навук БССР Мікалай Барысевіч разам з дырэктарам Інстытуту ядзернай энэргетыкі «Сосны» Васілём Несьцярэнкам прынесьлі першаму сакратару ЦК КПБ Мікалаю Сьлюнькову мапы радыяцыйнага забруджваньня і патрабавалі адсяленьня людзей. Сьлюнькоў заявіў: «Ня трэба сеяць паніку», паклаў дакумэнты і прапановы ў сэйф і зьехаў у адпачынак.
Пра гэта распавёў акадэмік Мікалай Барысевіч у 2012 годзе, наведваючы галерэю свайго сябра, народнага мастака БССР Міхаіла Савіцкага, які прысьвяціў чарнобыльскай трагедыі цыкль з 11 карцін «Чорная быль».
Інтэрвію з акадэмікам Барысевічам запісаў Сяргей Тарасаў.
